آپ کا سلاماردو نظمدعا علیشعر و شاعری

حوا کی بیٹی

دعا علی کی اردو نظم

حوا کی بیٹی

اے متاع زندگی تو نے بتا
عورت کو آخر کیا دیا
ابنِ آدم نے اسے پامال کر کے رکھ دیا
کیا حال کر کے رکھ دیا
اس کا جو بھی روپ ہے
عورت یقیناً خوب ہے
بیٹی ہے تو رحمت پروردگار ہے
بیوی ہے تو الفت وایثار کی دیوی ہے وہ
ماں کی صورت پکیر عزم ومحبت
اور پیروں کے تلے جنت لیے
پھر بھی جانے کس لیے
بے حال ہے ،پامال ہے
رب نے فرمایا
کہ اے موسیٰ سنو !
جب میں خوش ہوتا ہوں تودیتا ہوں اکثر بیٹیاں
ابن آدم تو نے بیٹی کی مگرنہ کی ذرا سی بھی قدر
زندہ تو نے دفن بیٹی کو کیا
ایک عورت سے ہی تسکیں گو تجھے حاصل ہوئی
زندگی تو نے اسی کی کس لیے برباد کی
تو نے جس کی کوکھ سے جنم پایا
اس کو تو نے دکھ دیا ابن آدم تو نے کیا یہ کر دیا
یہ بھی اک سچائی ہے
ہاں ! یہی حوّا کی بیٹی ہےیہی ماں بھی تری اور یہی تیری بہن جس کو تو نے آنسوؤں کا خوب نذرانہ دیا
اک کھلوناتو نے بس عورت کو سمجھا
خوش نما لفظوں سے تو نےپہلے دل عورت کا جیتا
پھر اُسے دھوکہ دیا دھوکہ تو پھر دھوکہ ہی ہے
چین سے سونے نہ دے گا تجھ کو تیرا یہ ضمیر
ابنِ آدم یہ خلش تجھ کو بہت تڑپائے گی
تونے عورت کو بھلا اس کے سوا کیا دیا
اس کو فقط رسوا کیا

دعاعلی

دعا علی

نام دعاعلی تاریخ پیدائش 4 جنوری تعلیم ایم سی ایس( کمپیوٹرسائنس) فلاور اریجمنٹ ،آرٹ اینڈ گرافکس کورسز، گرافک ڈئیزائنگ۔ چار کتابیں شائع ہوچکی ہیں 1۔ روشنی بھی فریب دیتی ہے۔ 2014 2۔ دسمبر کی اداس شامیں۔ 2015 3۔ مجھے بارش سے کہنے دو ۔ 2017 4۔ لمحہ لمحہ کرچیاں 2019ء (ناول) زیرِ طبع کتب (ناول) 1۔دل کا قبرستان 2۔ حصارِ عشق 3۔لمحوں کا قیدی 4۔زندانِ محبت 5۔محبت ہے دعا جیسی(شعری مجموعہ ) دعائے ادب انٹرنیشنل کے نام سے کئی کتابیں مرتب کرچکی ہیں آن لائن کتب شائع کرنے کا سلسلہ جاری ہے۔ آن لائن مرتب کردہ کتب 1۔نورِ سحرنعتوں کا مجموعہ 2۔وجودِ زن سے ہے تصویرِ کائنات میں رنگ 3۔ جلوہء کائنات (حمدیہ کلام) 4۔اگلاموسم 5۔سلامِ یا حسین (سلام اور منقبت) 6۔کرچی کرچی خواب 7۔یہ عشق کا سفر ہے 8۔ رمزِ دعا 9۔چشمِ نم (ہم عصر پانچ شعراء کرام کی دس دس غزلوں کا مجموعہ) 10۔شبِ ہجراں (عم عصرپانچ شعراءکرام کی دس دس غزلوں کا مجموعہ) 11۔تم کیوں اُداس ہو (عم عصر پانچ شعراءکرام کی دس دس غزلوں کا مجموعہ ) 12۔سعداللہ شاہ (منتخب غزلیں ) 13۔ بارش نے کہا مجھ سے 14۔دعائے عقیدت 15۔سُفنے مار گئے 16۔ہم تمھیں نہیں بھولے 17۔عزیز عادل (منتخب غزلیں ) 18۔ چناروں سے اٹھتا دھواں 19۔دعائے نیم شب 20۔بکھرے پات 21.سُلگتے حرف مدیرہ : ماہنامہ باب دعا انٹرنیشنل آن لائن میگزین 1۔۔۔8 مارچ 2018 کو ادب سرائے انٹرنیشنل کی جانب سے گولڈ میڈل سے نوازا گیا 2۔ ادارہ دستک میرپورخاص کی بارہویں سالگرہ پر 12 اپریل 2018 کو شعری ادب میں خدمات پر ایوارڈ سے نوازا گیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button