آپ کا سلاماردو غزلیاتافروز عالمشعر و شاعری

گزرے لمحات کا احساس ہوا جاتا ہے

افروز عالم کی ایک اردو غزل

گزرے لمحات کا احساس ہوا جاتا ہے

دامن وقت یوں ہی مجھ سے چھٹا جاتا ہے

میں اجالے کو محبت کا خدا لکھتا ہوں

وہ اندھیرے ہی سے مانوس ہوا جاتا ہے

جس کی خوشبو سے فضاؤں میں مہک تھی شب بھر

صبح دم اس کی طرف سانپ بڑھا جاتا ہے

مجھ کو ڈر ہے کوئی عابد نہ بہک جائے کہیں

دل ربا چاند کا انداز ہوا جاتا ہے

دور رہ کر بھی رگ جاں سے لپٹ جاتے ہیں

اور اس دل میں اجالا سا ہوا جاتا ہے

اس قدر زہر پلایا مجھے اس نے عالمؔ

تلخی زیست کا احساس مٹا جاتا ہے

افروز عالم

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button