A True Salam To Urdu Literature

Ghar Se Mera Rishta

A Ghazal By Hassan Abbasi

گھر سے میرا رشتہ بھی کتنا رہا
عمر بھر اک کونے میں بیٹھا رہا

اپنے ہونٹوں پر زباں کو پھیر کر

آنسوؤں کے ذائقے چکھتا رہا

وہ بھی مجھ کو دیکھ کر جیتا تھا اور

میں بھی اُس کی آنکھ میں زندہ رہا

نسبتیں تھیں ریت سے کچھ اس قدر

بادلوں کے شہر میں پیاسا رہا

شہر میں سیلاب کا تھا شور کل

اور میں تہ خانے میں سویا رہا

کھا رہی تھی آگ جب کمرہ حسنؔ

میں بس اک تصویر سے چمٹا رہا

Leave A Reply

Your email address will not be published.

Recommended Salam
An Afsana By Saadat Hassan Manto