آپ کا سلاماردو غزلیاتشعر و شاعریشہناز رضوی

دوستی میں حِساب کی باتیں ؟

شہناز رضوی کی ایک اردو غزل

دوستی میں حِساب کی باتیں ؟
واہ عالی جناب کی باتیں

اتنا آسان تو نہیں ہے نا
بھُول جانا جناب کی باتیں

جو نہ رکھتے ہوں کوئی ذوق و شَوق
اُن سے کیا ہوں کتاب کی باتیں

رہنے بھی دیجئے ، نہ کیجے اب
گیت ، خوشبو ، شباب کی باتیں

جو پھنسے ہوں گُناہ کی دَلدَل میں
کیا ہوں اُن سے ثواب کی باتیں

وہ نہ سمجھے ہیں اور نہ سمجھیں گے
اُس خُدا کے عِتاب کی باتیں

رِند کرتے ہیں کیوں سدا “شہناز“
بس شراب و کباب کی باتیں

 شہناز رضوی

شہناز رضوی

نام :: شہناز رضوی تخلُّص :: شہناز سکونت :: کراچی پاکستان ادبی خدمات :: آن لائن طرحی مُشاعروں میں فیس بُک کے 9 گروپس میں 2013 سے شرکت کر رہی ہوں ۔ ایک شعری مجموعہ “ متاعِ زیست “ کے نام سے 2019 میں منظرِ عام پہ آ چُکا ہے ۔ اور اب دوسرا مجموعہ حمد و نعت کے حوالے سے بہت جلد آنے والا ہے ان شا اللہ ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

Back to top button