- Advertisement -

دل میں پیدا جو حسد ہو جائے

ایک اردو غزل از ناصر ملک

دل میں پیدا جو حسد ہو جائے
یہ لہو وحشی اسد ہو جائے

مجھ کو ہجراں کا سفر کرنا ہے
اے خدا ! شوق رسد ہو جائے

اب سلیقے سے قلم تھاما ہے
زندگی جزری عدد ہو جائے

ان بگولوں کا ٹھکانہ کیا ہو
گر بیاباں ہی بلد ہو جائے

یوں اچانک وہ تڑپ کر پلٹا
جس طرح غیبی مدد ہو جائے

اے ملاقات! ذرا ایسے ٹھہر
یہ جنوں موجِ ابد ہو جائے

وقت ناصر مِرے تلوے چاٹے
عشق گر دل کی سند ہو جائے

ناصر ملک

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از ناصر ملک