شہزاد نیّرؔ

۲۹ مئی
جدید دور کے نامور شاعر جناب میجر شہزاد نیئر کا یوم پیدائش ہے
جدتِ فکر کا شا عر… شہزاد نیّرؔ

مختصر تعارف
میجر شہزاد نیر 29 مئی 1973 میں گوجرانوالہ کے نوا حی قصبہ گوندلانوالہ میں پیدا ھوئے
ابتدائی تعلیم آپ نے گوجرانوالہ سے حاصل کی
ایف سی کالج لاھور سے انٹرمیڈیٹ کرنے کے بعد عسکری ملازمت اختیار کر لی اور مختلف مقامات پر تعینات رہے
آپ نے ایم اے اردو فرسٹ ڈویژن میں کرنے کے بعد ماس کمیونیکیشن میں ماسٹر ڈگری حاصل کی اور اب ایم فل کر رہے ہیں۔
فارسی زبان و ادب میں ڈپلومہ حاصل کیا
آپکو عربی زبان سے بھی واقفیت ھے، پنجابی میں شاعری بھی کرتے ہیں۔

شعر و ادب کے ساتھ رغبت کا آغاز اسکول کے زمانے سے ھی ہو گیا اور خود بخود اشعار ھونے لگے
متعدد ادبی جرائد مثلاً فنون ، اوراق ، معاصر وغیرہ میں آپکا کلام شائع ھوتا رھا
آپ ملکی و غیر ملکی ادب کے پُر شوق قاری ہیں
برطانیہ، فرانس، سعودی عریبیہ اور متحدہ عرب امارات کے یاد گار بین الاقوامی مشاعروں میں شرکت کی
ادبی تنقید اور لسانیات میں گہری دلچسپی رکھتے ہیں
ادبی تنقید پر آپ کے متعدد مقالے شائع ہو چکے ہیں