SalamUrdu.Com
A True Salam To Urdu Literature

Bhulli Hui Sada Hoon

bhuulii hu_ii sadaa huu.N mujhe yaad kiijiye
tum se kahii.n milaa huu.N mujhe yaad kiijiye

ma.nzil nahii.n huu.N Khizr nahii.n rahazan nahii.n
ma.nzil kaa ra.ntaa huu.N mujhe yaad kiijiye

merii nigaah-e-shauq se har gul hai devataa
mai.n ishq kaa Khudaa huu.N mujhe yaad kiijiye

naGmo.n kii ibtidaa thii kabhii mere naam se
ashko.n kii i.ntahaa huu.N mujhe yaad kiijiye

gum-sum kha.Dii hai.n dono.n jahaan kii haqiiqate.n
mai.n un se kah rahaa huu.N mujhe yaad kiijiye

“Sagar” kisii ke husn-e-taGaaful shaar kii
bahakii hu_ii adaa huu.N mujhe yaad kiijiye

Leave A Reply

Your email address will not be published.

Recommended Salam
Nice Ghazal By Saghar