- Advertisement -

بھلے غموں سے نڈھال بھی تھا

ایک اردو غزل از ناصر ملک

بھلے غموں سے نڈھال بھی تھا
وہ شخص تو بے مثال بھی تھا

اُسے بچھڑنے کی آرزو تھی
ستم گروں کا کمال بھی تھا

جوان خواہش کے رو برو پھر
وفورِ حسن و جمال بھی تھا

تڑپ رہی تھی مری اَنا بھی
جدائی کا احتمال بھی تھا

شمار سانسوں کا تھا ضروری
حساب رکھنا محال بھی تھا

مطالبہ ہے جو دشمنی میں
وہ دوستی کا سوال بھی تھا

ناصر ملک

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از ناصر ملک