- Advertisement -

آستانے بنائے جاتے ہیں

ایک اردو غزل از ارشاد نیازی

آستانے بنائے جاتے ہیں
بس ٹھکانے بناتے جاتے ہیں

کوئی منظر نیا نہیں بنتا
سب پرانے بناتے جاتے ہیں

کیا ستم ہے فروغِ دربدری
آشیانے بنائے جاتے ہیں

بے دھڑک آپ اٹھائیے تلوار
ہم نشانے بنائے جاتے ہیں

کیا کہا ہجر کی مسافت سے
دن, زمانے بنائے جاتے ہیں

دل اٹھاتا ہے بوجھ وحشت کا
یونہی شانے بنائے جاتے ہیں

اپنے کردار کے لیے ارشاد
تانے بانے بنائے جاتے ہیں

ارشاد نیازی

جواب چھوڑیں

آپ کا ای میل ایڈریس شائع نہیں کیا جائے گا.

سلام اردو سے منتخب سلام
ایک اردو غزل از شبیرنازش