آپ کا سلاماردو غزلیاتشعر و شاعریعارف امام

آگئی ساعتِ دیدار، علیؑ آتے ہیں

عارف امام کی اردو غزل

آگئی ساعتِ دیدار، علیؑ آتے ہیں
رقص کر چشمِ عزادار، علیؑ آتے ہیں

گُل بچھانے لگی رستے میں زمینِ کعبہ
مسکرانے لگی دیوار، علیؑ آتے ہیں

میری عادت ہے کہ ہر بار بلاتا ہوں انہیں
میرا ایماں ہے کہ ہر بار علیؑ آتے ہیں

موت کرتی ہوئی پھرتی ہے منادی رن میں
بھاگ اے لشکرِ کفار علیؑ آتے ہیں

ڈھونڈنے نکلی سوالوں کو سلونی کی صدا
لو سرِ منبرِ اسرار علیؑ آتے ہیں

اب مجھے دار پہ چڑھ جانے میں کیسی مشکل ؟
آچکے میثمِ تمّار؛ علیؑ آتے ہیں

کھل گیا جیسے دریچہ کوئی جنّت کی طرف
ہوگئی قبر ہوا دار علیؑ آتے ہیں

عارف امام

سائٹ ایڈمن

’’سلام اردو ‘‘،ادب ،معاشرت اور مذہب کے حوالے سے ایک بہترین ویب پیج ہے ،جہاں آپ کو کلاسک سے لے جدیدادب کا اعلیٰ ترین انتخاب پڑھنے کو ملے گا ،ساتھ ہی خصوصی گوشے اور ادبی تقریبات سے لے کر تحقیق وتنقید،تبصرے اور تجزیے کا عمیق مطالعہ ملے گا ۔ جہاں معاشرتی مسائل کو لے کر سنجیدہ گفتگو ملے گی ۔ جہاں بِنا کسی مسلکی تعصب اور فرقہ وارنہ کج بحثی کے بجائے علمی سطح پر مذہبی تجزیوں سے بہترین رہنمائی حاصل ہوگی ۔ تو آئیے اپنی تخلیقات سے سلام اردوکے ویب پیج کوسجائیے اور معاشرے میں پھیلی بے چینی اور انتشار کو دورکیجیے کہ معاشرے کو جہالت کی تاریکی سے نکالنا ہی سب سے افضل ترین جہاد ہے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ اشاعتیں

سلام اردو سے ​​مزید
Close
Back to top button