Sholaa thaa jal-bujhaa huu.N

sholaa thaa jal-bujhaa huu.N havaaye.n mujhe na do
mai.n kab kaa jaa chukaa huu.N sadaaye.n mujhe na do

jo zahar pii chukaa huu.N tumhii.n ne mujhe diyaa
ab tum to zindagii kii duaaye.n mujhe na do

aisaa kahii.n na ho ke palaTakar na aa sakuu.N
har baar duur jaa ke sadaaye.n mujhe na do

kab mujh ko aiteraaf-e-muhabbat na thaa ‘Faraaz’
kab mai.n ne ye kahaa thaa sazaaye.n mujhe na do

Related Salam

Leave a Comment

This site uses Akismet to reduce spam. Learn how your comment data is processed.